ബെംഗളൂരു: കൊവിഡ് മഹാമാരിയോടെ നമ്മുടെ ജീവിതത്തിന്‍റെ ഭാഗമാണ് മാസ്ക്. ഇവ അലക്ഷ്യമായി വലിച്ചെറിയുന്നത് സാമൂഹ്യ പ്രശ്നമായി മാറിയിട്ടുമുണ്ട്. എന്നാല്‍ ഈ മാസ്കുകള്‍ മണ്ണില്‍ അലിഞ്ഞ് ഇല്ലാതാകുമ്പോള്‍ അവയില്‍ നിന്ന് ചെടികള്‍ വളരുന്നതിനെക്കുറിച്ച് ആലോചിച്ചിട്ടുണ്ടോ. എന്നാല്‍ അത്തരത്തില്‍ പരിസ്ഥിതി സൗഹൃദ മാസ്കുകള്‍ അവതരിപ്പിക്കുകയാണ് കര്‍ണാടക സ്വദേശിയും സംരംഭകനും പരിസ്ഥിതി പ്രവര്‍ത്തകനുമായ നിതിന്‍ വാസ്.
ചെടിയായി പുനര്‍ജനിക്കുന്ന മാസ്കുകള്‍ ; പുതുസംരംഭവുമായി നിതിന്‍ വാസ് - കൊവിഡ്
കർണാടക ആസ്ഥാനമായി പ്രവര്‍ത്തിക്കുന്ന നിതിന്‍ വാസ്, പരുത്തി തുണികൊണ്ടുള്ള മാസ്കുകളാണ് നിര്‍മ്മിക്കുന്നത്. എന്നാല്‍ അവ കളയുന്നതോടെ മണ്ണില്‍ അലിഞ്ഞ് ചെടികള്‍ ഉണ്ടാകും.
ചെടിയായി പുനര്‍ജനിക്കുന്ന മാസ്കുകള്‍; പുതുസംരഭവുമായി കര്‍ണ്ണാടക സ്വദേശി
പരുത്തി തുണികൊണ്ടുള്ള മാസ്കുകളാണ് നിതിന്‍ വാസ് നിര്‍മ്മിക്കുന്നത്. എന്നാല്‍ അവ കളയുന്നതോടെ മണ്ണില്‍ അലിഞ്ഞ് അതില്‍ നിന്നും ചെടികള്‍ ഉണ്ടാകും. വിവിധയിനം പഴ വിത്തുകളാണ് ഈ മാസ്കുകളില്‍ ചേര്‍ത്തിട്ടുള്ളത്. മാസ്ക് കൊവിഡില്‍ നിന്നും മനുഷ്യരായ നമ്മെ രക്ഷിക്കും.
എന്നാല്‍ ഈ മാസ്കുകള്‍ അലക്ഷ്യമായി വലിച്ചെറിയുന്നതിലൂടെ മൃഗങ്ങളെയും ജലജീവികളെയും ഇത് ദോഷകരമായി ബാധിക്കുന്നു. ഇതിന് അറുതിവരുത്തണമെന്ന ഉദ്ദേശത്തിലാണ് പ്രകൃതി സൗഹൃദ മാസ്കുകള്‍ അവതരിപ്പിച്ചതെന്ന് നിതിന്‍ പറയുന്നു. എന്തായാലും മനുഷ്യര്‍ക്ക് രക്ഷാകവചം തീര്‍ക്കുന്ന മാസ്കില്‍ നിന്നും ചെടികളുടെ രൂപത്തില്‍ പുതിയ ജീവനുകള്‍ സൃഷ്ടിക്കപ്പെടുന്നത് അഭിനന്ദനാര്‍ഹമാണ്.