ന്യൂഡൽഹി: രാജ്യത്ത് 24 മണിക്കൂറിൽ 4,270 പുതിയ കൊവിഡ് കേസുകൾ കൂടി സ്ഥിരീകരിച്ചു. ഇതോടെ രാജ്യത്ത് കൊവിഡ് സ്ഥിരീകരിച്ചവരുടെ എണ്ണം 4,31,76,817 ആയി. 15 പേർ കൂടി മരിച്ചതോടെ ആകെ മരണസംഖ്യ 5,24,692 ആയി ഉയർന്നു.
പ്രതിദിന പോസിറ്റീവ് നിരക്ക് 34 ദിവസത്തിന് ശേഷം ഒരു ശതമാനത്തിന് മുകളിൽ രേഖപ്പെടുത്തിയതായി കേന്ദ്ര ആരോഗ്യ മന്ത്രാലയം അറിയിച്ചു. കേന്ദ്ര ആരോഗ്യ മന്ത്രാലയത്തിന്‍റെ കണക്കനുസരിച്ച് പ്രതിദിന പോസിറ്റിവിറ്റി നിരക്ക് 1.03 ശതമാനവും പ്രതിവാര പോസിറ്റിവിറ്റി നിരക്ക് 0.84 ശതമാനവുമാണ്.