പൂനെ: ഫെബ്രുവരി 28 ലെ ആർമി റിക്രൂട്ട്മെന്റ് പരീക്ഷ പേപ്പർ ചോർന്നതുമായി ബന്ധപ്പെട്ട് മറ്റൊരു പ്രധാന റാങ്ക് ഉദ്യോഗസ്ഥനെ കൂടി പൊലീസ് അറസ്‌റ്റ് ചെയ്തു. ചോദ്യം ചെയ്യലിനായി ഉദ്യോഗസ്ഥനെ ഡൽഹിയിലെത്തിച്ച ശേഷമായിരുന്നു അറസ്‌റ്റ്. ഉദ്യോഗസ്ഥന്‍റെ പേര് വെളിപ്പെടുത്തിയിട്ടില്ല. അറസ്‌റ്റിലായ ഉദ്യോഗസ്ഥൻ പ്രതികളിലൊരാൾക്ക് ചോദ്യപേപ്പർ കൈമാറിയതായി പൂനെ പൊലീസ് പറഞ്ഞു.
നേരത്തെ മേജർ തിരു മുരുകൻ തങ്കവേലു വാട്‌സ്ആപ്പ് വഴി ചോദ്യപേപ്പർ കൈമാറിയതായി പൊലീസ് ആരോപിച്ചിരുന്നു. ചൊവ്വാഴ്‌ച അറസ്‌റ്റിലായ തങ്കവേലുവും ഉദ്യോഗസ്ഥനും തമ്മിൽ ബന്ധമുണ്ടെന്നും അധികൃതർ അറിയിച്ചു. കേസുമായി ബന്ധപ്പെട്ട് രണ്ട് മേജർമാർ ഉൾപ്പെടെ ഏഴ് പേരെ ഇതുവരെ അറസ്‌റ്റ് ചെയ്തു.