സോലാപൂർ (മഹാരാഷ്‌ട്ര):കൈകാലുകള്‍ കെട്ടിയിട്ട് തൊഴിലാളികളെ മര്‍ദിച്ച നാലു പേര്‍ക്കെതിരെ കേസ്. മഹാരാഷ്‌ട്രയിലെ സോലാപൂർ മാധ താലൂക്കിലെ ഭൂതാഷ്ടെ ഗ്രാമത്തിൽ ആണ് സംഭവം. മര്‍ദനത്തിന്‍റെ ദൃശ്യങ്ങള്‍ സോഷ്യല്‍ മീഡിയയില്‍ പ്രചരിക്കുന്നുണ്ട്. വികാസ് നായിക്‌വാഡെ, സേവക് കസ്‌ബെ എന്നിവര്‍ക്കാണ് കരാറുകാരന്‍റെയും സുഹൃത്തുക്കളുടെയും മര്‍ദനം ഏറ്റത്.
മര്‍ദനത്തിന്‍റെ വീഡിയോ
സംഭവത്തെ തുടര്‍ന്ന് വികാസ് നായിക്‌വാഡെയുടെ ഭാര്യ സൊണാലി നായിക്‌വാഡെയുടെ പരാതിയെ തുടര്‍ന്ന് കരാറുകാരന്‍ ബാലാജി മോറിനും സുഹൃത്ത് ഭാൽചന്ദ്ര അനന്ത് യാദവിനും മറ്റു രണ്ടുപേര്‍ക്കും എതിരെ മാധ പൊലീസ് കേസ് രജിസ്റ്റര്‍ ചെയ്‌തു. ഓഗസ്റ്റ് 17നായിരുന്നു സംഭവം. ബാലാജി മോറും സംഘവും ചേര്‍ന്ന് വികാസിനെയും സേവകിനെയും ബന്ധിയാക്കിയ ശേഷം മര്‍ദിക്കുകയായിരുന്നു.