ന്യൂഡൽഹി: കേന്ദ്ര സർക്കാരിന്‍റെ വാക്സിൻ നയത്തിനെതിരെ കോൺഗ്രസ്. ഇന്ത്യൻ ജനതയുടെ ജീവിതങ്ങൾക്ക് മേലാണ് സർക്കാരിന്‍റെ വ്യാജ പ്രതിഛായ കെട്ടിപ്പടുക്കുന്നതെന്ന് കോൺഗ്രസ് എംപി മനീഷ് തിവാരി.
സ്വന്തം ജനങ്ങളുടെ വാക്സിനേഷൻ നൽകുന്നതിനേക്കാൾ കൂടുതൽ വാക്സിനുകൾ ഇന്ത്യ കയറ്റുമതി ചെയ്തതായി യുഎന്നിലെ ഇന്ത്യയുടെ പ്രതിനിധി ടി എസ് തിരുമൂർത്തി ഐക്യരാഷ്ട്രസഭയ്ക്ക് മുമ്പാകെ അവതരിപ്പിക്കുന്ന വീഡിയോ ട്വിറ്ററിൽ പോസ്റ്റ് ചെയ്ത മനീഷ് തിവാരി സ്വന്തം രാജ്യത്തെ ജനങ്ങളുടെ ജീവിതം വച്ച് വ്യാജ പ്രതിഛായ കെട്ടിപ്പടുക്കരുതെന്ന് വിദേശകാര്യ മന്ത്രി ഡോ. എസ് ജയശങ്കറിന് താൻ മുന്നറിയിപ്പ് നൽകിയതായി ട്വിറ്ററിൽ കുറിച്ചു.