ബെംഗളൂരു : സ്കൂള് വിദ്യാര്‍ഥികളുടെ ബാഗുകളില്‍ നിന്ന് ഗര്‍ഭനിരോധന ഉറകള്‍, ഗര്‍ഭനിരോധന മരുന്നുകള്‍, സിഗരറ്റുകള്‍, വൈറ്റ്നര്‍ പേനകള്‍ തുടങ്ങിയ കണ്ടെടുത്തു. ബെംഗളൂരിലെ ഒരു സ്കൂള് അധികൃതര്‍ ബാഗുകള്‍ പരിശോധിച്ചപ്പോഴാണ് ഇവ കണ്ടെടുത്തത്. 8 മുതല്‍ 10 വരെ ക്ലാസില്‍ പഠിക്കുന്ന വിദ്യാര്‍ഥികളുടെ കൈവശമാണ് ഇത്തരം വസ്‌തുക്കളുണ്ടായിരുന്നത്.
കുട്ടികള്‍ അടുത്തിടെയായി സ്‌കൂളില്‍ മൊബൈല്‍ ഫോണുകള്‍ കൊണ്ടുവരുന്നു എന്ന് ഒരു അധ്യാപിക മാനേജ്‌മെന്‍റിന് പരാതി നല്‍കിയിരുന്നു. ഇതിന്‍റെ അടിസ്ഥാനത്തിലാണ് ദിവസംതോറും കുട്ടികളുടെ സ്കൂള് ബാഗുകള്‍ പരിശോധിക്കാന്‍ മാനേജ്മെന്റ് അധ്യാപകര്‍ക്ക് നിര്‍ദേശം നല്‍കിയത്. ഒരു മഞ്ഞുമലയുടെ അറ്റം മാത്രമാണ് പുറത്തുവന്നിരിക്കുന്നത് എന്നായിരുന്നു സ്കൂള് മാനേജ്മെന്റ് ജനറല്‍ സെക്രട്ടറി ഡി. ശശികുമാറിന്‍റെ പ്രതികരണം.
ഇത്തരം വസ്‌തുക്കള്‍ സ്‌കൂളില്‍ കൊണ്ടുവന്ന കുട്ടികളെ 10 ദിവസത്തേയ്‌ക്ക് സസ്‌പെന്‍ഡ് ചെയ്‌തു. കാര്യത്തിന്‍റെ ഗൗരവം മനസിലാക്കിയ അധികൃതര്‍ വിദ്യാര്‍ഥികളെയും മാതാപിതാക്കളെയും കൗണ്‍സിലിങ്ങിന് വിധേയമാക്കും.