ഭുവനേശ്വര്‍: ഒഡീഷയിലെ സുന്ദര്‍ഗഡില്‍ മണ്ണെണ്ണ വിളക്കില്‍ നിന്ന് വസ്ത്രത്തിലേക്ക് തീ പടര്‍ന്ന് കോളജ് വിദ്യാര്‍ഥി മരിച്ചു. ബോണായ പൊലീസ് സ്റ്റേഷന്‍ പരിധിയിലുള്ള ഭലുഡുംഗുരി ഗ്രാമത്തില്‍ താമസിക്കുന്ന സ്വപ്‌നേശ്വരി മുണ്ടയാണ് മരിച്ചത്. മൂന്നാം വര്‍ഷ ബിരുദ വിദ്യാര്‍ഥിയാണ്.
തിങ്കളാഴ്‌ച രാത്രി വീട്ടില്‍ വച്ചാണ് സംഭവം. സ്വപ്‌നേശ്വരിയുടെ കയ്യിലുണ്ടായിരുന്ന മണ്ണെണ്ണ വിളക്കില്‍ നിന്ന് വസ്ത്രത്തിലേക്ക് തീ പടര്‍ന്നുവെന്നാണ് വിവരം.