ബെംഗളൂരു:ബാറിലെ കസേരകളും മേശകളും മറ്റ് സാധന സാമഗ്രികളും തകര്‍ത്ത് സ്‌ത്രീകള്‍. ചിക്കമംഗളൂരുജില്ലയിലെ കടൂർ താലൂക്കില്‍ ഉള്‍പ്പെട്ട മുസ്‌ലാപൂരിലാണ് സംഭവം. എതിർപ്പിനെ അവഗണിച്ച് ബാര്‍ തുറന്നുപ്രവര്‍ത്തിച്ചതാണ് പ്രകോപനത്തിന് കാരണം.
ബാര്‍ അടച്ചുപൂട്ടിയില്ല, 50 സ്‌ത്രീകള്‍ ഇരച്ചെത്തി തല്ലിത്തകര്‍ത്തു; വീഡിയോ
ശനിയാഴ്ചയാണ് സംഭവം. 50 ലധികം സ്ത്രീകൾ ബാറിലേക്ക് ഓടിക്കയറുകയും തുടര്‍ന്ന് നശിപ്പിക്കുകയുമായിരുന്നു. ബാർ ജീവനക്കാരനെ കയ്യേറ്റം ചെയ്യുകയും ചെയ്തു. ഇതിന്‍റെ ദൃശ്യങ്ങൾ സാമൂഹ്യ മാധ്യമങ്ങളില്‍ വൈറലായി. ബാർ തുറക്കുന്നതിനെതിരെ മുസ്‌ലാപൂരില്‍ സ്ത്രീകൾ നേരത്തെ പ്രതിഷേധം സംഘടിപ്പിച്ചിരുന്നു. ഇതേതുടര്‍ന്ന് സ്ഥാപനം അടച്ചു.