റാഞ്ചി: കാലിത്തീറ്റ കുംഭകോണക്കേസില്‍ അഞ്ചാമത്തെ കേസിലും ലാലു പ്രസാദ് യാദവ് കുറ്റക്കാരൻ. 139.35 കോടിയുടെ അഴിമതിക്കേസിലാണ് കോടതി വിധി. റാഞ്ചിയിലെ പ്രത്യേക സിബിഐ കോടതിയാണ് വിധി പറഞ്ഞത്.
ഡൊറാൻഡ ട്രഷറിയില്‍ നിന്ന് അനധികൃതമായി പണം പിൻവലിച്ച കേസിലാണ് ഏറ്റവും ഒടുവില്‍ വിധി പറഞ്ഞത്. മുൻ ബിഹാർ മുഖ്യമന്ത്രിയും ആർജെഡി നേതാവുമായ ലാലു പ്രസാദ് യാദവിന് കഴിഞ്ഞ ഏപ്രില്‍ മാസത്തില്‍ ജാർഖണ്ഡ് കോടതി മറ്റൊരു കുംഭകോണക്കേസില്‍ ജാമ്യം അനുവദിച്ചിരുന്നു.