മുംബൈ: റോഡ് സൗകര്യമില്ലാത്തതിനെ തുടര്‍ന്ന് ഗര്‍ഭിണിയെ ഡോളിയില്‍ ചുമന്ന് ഗ്രാമവാസികള്‍ താണ്ടിയത് മൂന്ന് കിലോമീറ്റര്‍. മഹാരാഷ്‌ട്രയിലെ നാസിക്കിലെ ത്രയംബകേശ്വർ ഹെഡ്‌പാഡയിലാണ് സംഭവം. വെള്ളിയാഴ്‌ചയാണ്(12.08.2022) ഗ്രാമത്തിലെ വൈശാലി ബേഡ്‌കോളി എന്ന യുവതിക്ക് പ്രസവ വേദനയുണ്ടായത്.
ഗ്രാമത്തില്‍ റോഡ് സൗകര്യമില്ലാത്തതിനാല്‍ വാഹനം വാടകയ്‌ക്ക്‌ എടുക്കണമെങ്കില്‍ മൂന്ന് കിലോമീറ്റര്‍ നടക്കണം. ഉടന്‍ തന്നെ രണ്ട് മുളവടികളെടുത്ത് അതില്‍ പുതപ്പ് തൊട്ടില്‍ പോലെ കെട്ടിയുണ്ടാക്കി (ഡോളി). യുവതിയെ അതില്‍ കിടത്തി കാല്‍നട യാത്ര ആരംഭിച്ചു.
റോഡില്ല, ഗര്‍ഭിണിയെ ഡോളിയില്‍ ചുമന്നത് മൂന്ന് കിലോമീറ്റര്‍, വീഡിയോ