പൂനെ : ഓടിക്കൊണ്ടിരുന്ന ബസിൽ തീപിടിത്തം. പൂനെയിലെ പിംപ്രി-ചിഞ്ച്‌വാഡ് നഗരത്തിലാണ് പി.എം.പി.എം.എൽ (PMPML) ബസില്‍ അഗ്‌നിബാധയുണ്ടായത്. എന്നാല്‍ സമയോചിത ഇടപെടലിലൂടെ ബസ് ഡ്രൈവർ 30 യാത്രക്കാരുടെ ജീവൻ രക്ഷിച്ചു.
നഗരത്തിലെ ദാപോഡിയിലെ പാലത്തിൽ ബുധനാഴ്‌ച രാവിലെ 11 മണിയോടെയാണ് സംഭവം. തീ പടരുന്നത് കണ്ടയുടനെ തന്നെ ബസ് നിര്‍ത്തിയ ഡ്രൈവർ ലക്ഷ്മൺ ഹസാരെ 30 യാത്രക്കാരോടും ഉടന്‍ ഇറങ്ങാന്‍ നിര്‍ദേശിച്ചു.
തുടർന്ന് കൂടുതൽ തീവ്രതയോടെ ബസ് ആളിക്കത്തുകയായിരുന്നു. ബസ് ഡ്രൈവറുടെ കൃത്യസമയത്തെ ഇടപെടൽ മൂലം ആർക്കും ജീവഹാനിയുണ്ടായില്ല.
ഓടിക്കൊണ്ടിരുന്ന ബസിൽ തീപിടിത്തം; 30 യാത്രക്കാരുടെ ജീവൻ രക്ഷിച്ച് ബസ് ഡ്രൈവർ