രേവ: കൊവിഡ് രണ്ടാം തരംഗത്തെത്തുടര്‍ന്ന് ഇന്ത്യയിലെ പല ആശുപത്രികളും രോഗികളാല്‍ നിറഞ്ഞിരിക്കുകയാണ്. ആവശ്യത്തിന് കിടക്കകള്‍ ഇല്ലാത്തതിനാല്‍ രോഗബാധിതര്‍ പലരും വീട്ടില്‍ തന്നെ തുടരേണ്ട അവസ്ഥയും ഉണ്ട്. ഇതേ സാഹചര്യമനുഭവിച്ചിരിക്കുകയാണ് അതിര്‍ത്തി സുരക്ഷാ സേന ഉദ്യോഗസ്ഥനും അദ്ദേഹത്തിന്‍റെ ഭാര്യയും. കൊവിഡ് ബാധിതയായ ഭാര്യക്ക് ആശുപത്രിയില്‍ ചികിത്സ ലഭിക്കാനായി സൈനികന്‍ അവരെയും കൊണ്ട് അലഞ്ഞത് പത്ത് മണിക്കൂറാണ്.
ഭാര്യക്ക് കൊവിഡ്, ചികിത്സക്കായി സൈനികന്‍ അലഞ്ഞത് പത്ത് മണിക്കൂര്‍; സ്ഥിതി ഗുരുതരം
മധ്യപ്രദേശിലെ രേവയില്‍ നിരവധി പേരോട് സഹായം അഭ്യര്‍ഥിച്ചെങ്കിലും ആരും ഇതിന് തയ്യാറായില്ല. അവസാനം ഇവര്‍ക്ക് തുണയായത് ഇടിവി ഭാരത് റിപ്പോര്‍ട്ടറാണ്. ഭാര്യയെ സഞ്ജസ് ഗാന്ധി ആശുപത്രിയില്‍ പ്രവേശിപ്പിക്കാന്‍ ഇടിവി ഭിരത് റിപ്പോര്‍ട്ടര്‍ ഈ സൈനികനെ സഹായിക്കുകയും ചെയ്തു.