73-ാം റിപ്പബ്ലിക് ദിനം ആഘോഷിച്ച് രാജ്യം; മധുരം കൈമാറി ആശംസകൾ അറിയിച്ച് ഇന്ത്യ-പാക് സൈന്യം

ജെസിപി അട്ടാരിയിലാണ് ഇരു സേനകളും തമ്മിൽ മധുരം കൈമാറി ആശംസകൾ അറിയിച്ചത്

വാഗ: ഇന്ത്യയുടെ 73-ാം റിപ്പബ്ലിക് ദിനത്തിൽ പാകിസ്ഥാൻ സേനക്ക് മധുരം കൈമാറി ഇന്ത്യൻ സേന. ജെസിപി അട്ടാരിയിലാണ് ഇന്ത്യൻ അതിർത്തി രക്ഷാ സേനയും പാകിസ്ഥാൻ റേഞ്ചേഴ്‌സും മധുരം കൈമാറി ആശംസകൾ അറിയിച്ചത്.

അതേസമയം രാജ്യ തലസ്ഥാനത്ത് റിപ്പബ്ലിക് ദിന ആഘോഷങ്ങളുടെ ഭാഗമായുള്ള ചടങ്ങുകൾ പുരോഗമിച്ചുകൊണ്ടിരിക്കുകയാണ്. രാവിലെ 10.30 മുതലാണ് റിപ്പബ്ലിക്‌ ദിനാഘോഷ പരേഡ് ആരംഭിച്ചത്.

14,000 പേര്‍ക്കാണ് പരോഡ് കാണാന്‍ അവസരം ഒരുക്കിയിരിക്കുന്നത്. അതില്‍ 4000 പേര്‍ മാത്രമാണ് പൊതുജനങ്ങള്‍. സ്വാതന്ത്ര്യത്തിന്‍റെ 75-ാം വാർഷികമായതിനാല്‍ 75 വിമാനവും ഹെലികോപ്‌റ്ററുകളും അണിനിരത്തി വ്യോമസേന ആകാശത്ത് ഫ്ലൈപാസ്റ്റും ഒരുക്കും.