ബെംഗളൂരു: അന്തരിച്ച കന്നട നടൻ പുനീത്‌ രാജ്‌ കുമാറിന്‍റെ സദാശിവ നഗറിലെ വീട്‌ സന്ദര്‍ശിച്ച് ബോളിവുഡ്‌ താരം സഞ്ജയ്‌ ദത്ത്. പുനീത്‌ രാജ്‌ കുമാറിന്‍റെ ചിത്രത്തിന് മുന്നില്‍ ആദരവര്‍പ്പിച്ച് അദ്ദേഹത്തിന്‍റെ ഭാര്യ അശ്വിനി പുനീത്‌ കുമാറിനെയും സന്ദര്‍ശിച്ച ശേഷമാണ് താരം മടങ്ങിയത്. ഒരു മണിക്കൂറോളം സഞ്ജയ്‌ ദത്ത് രാജ്‌ കുമാറിന്‍റെ വസതിയില്‍ ചെലവഴിച്ചു.
പുനീത്‌ രാജ്‌ കുമാറിന്‍റെ വീട്‌ സന്ദര്‍ശിച്ച് ബോളിവുഡ്‌ താരം സഞ്ജയ്‌ ദത്ത്
യഷ്‌ നായകനായെത്തുന്ന കെജിഎഫിന്‍റെ രണ്ടാം ഭാഗത്തിന്‍റെ ട്രെയിലര്‍ റലീസിനായാണ് താരം ബെംഗളൂരുവില്‍ എത്തിയത്. ചിത്രത്തില്‍ അധീരയെന്ന കഥാപാത്രമായി എത്തുന്നത് സഞ്ജയ്‌ ദത്താണ്. കേരളത്തില്‍ ചിത്രത്തിന്‍റെ വിതരണാവകാശം പൃഥ്വിരാജ്‌ പ്രൊഡക്ഷന്‍സിനാണ്. കന്നട, തമിഴ്‌, മലയാളം, ഹിന്ദി, തെലുങ്ക് എന്നീ അഞ്ച്‌ ഭാഷകളിലാണ് കെജിഎഫ്‌-2 എത്തുന്നത്.