ജംഷേദ്‌പൂര്‍ (ജാര്‍ഖണ്ഡ്): ജാര്‍ഖണ്ഡിലെ ജംഷേദ്‌പൂരിലുള്ള ടാറ്റ സ്റ്റീല്‍ ഫാക്‌ടറിയുടെ കോക്ക് പ്ലാന്‍റില്‍ സ്ഫോടനം. ശനിയാഴ്‌ച രാവിലെ 10.20നാണ് സ്‌ഫോടനമുണ്ടായത്. അപകടത്തില്‍ മൂന്ന് തൊഴിലാളികള്‍ക്ക് പരിക്കേറ്റു.
ടാറ്റാ സ്റ്റീല്‍ പ്ലാന്‍റില്‍ സ്ഫോടനം; മൂന്ന് തൊഴിലാളികള്‍ക്ക് പരിക്കേറ്റു, അപകട കാരണം വാതക ചോർച്ച - jamshedpur tata steel plant explosion
ശനിയാഴ്‌ച രാവിലെ 10.20നാണ് പ്ലാന്‍റില്‍ സ്‌ഫോടനമുണ്ടായത്
ടാറ്റാ സ്റ്റീല്‍ പ്ലാന്‍റില്‍ സ്ഫോടനം; മൂന്ന് തൊഴിലാളികള്‍ക്ക് പരിക്കേറ്റു, അപകട കാരണം വാതക ചോർച്ച
വാതക ചോര്‍ച്ചയാണ് സ്‌ഫോടനത്തിന് കാരണമെന്നാണ് സൂചന. പ്ലാന്‍റിന്‍റെ ബാറ്ററി നമ്പർ 6ന്‍റെ ഗ്യാസ് ലൈനിലാണ് സ്ഫോടനമുണ്ടായതെന്ന് കമ്പനി പ്രസ്‌താവനയില്‍ അറിയിച്ചു. അപകടത്തിന് പിന്നാലെ ആംബുലൻസും അഗ്നിശമനസേനയും സംഭവ സ്ഥലത്തെത്തി.
'ബാറ്ററി നമ്പർ 6 സ്വിച്ച് ഓഫ് ചെയ്‌തു, വേർപെടുത്തുന്നതിനുള്ള പ്രവർത്തനങ്ങൾ പുരോഗമിക്കുകയാണ്,' കമ്പനി പ്രസ്‌താവനയില്‍ വ്യക്തമാക്കി. പ്രദേശം മുഴുവൻ ഒഴിപ്പിച്ചിട്ടുണ്ട്. പരിക്കേറ്റവരുടെ അടിയന്തര ചികിത്സയ്ക്കായി ജംഷേദ്‌പൂര്‍ ജില്ല ഭരണകൂടം ടാറ്റാ സ്റ്റീല്‍ മാനേജ്‌മെന്‍റുമായി സഹകരിച്ച് പ്രവർത്തിക്കുന്നുണ്ടെന്ന് ജാർഖണ്ഡ് മുഖ്യമന്ത്രി ഹേമന്ത് സോറൻ ട്വീറ്റ് ചെയ്‌തു.