കൊല്‍ക്കത്ത: തൃണമൂല്‍ കോണ്‍ഗ്രസ് നേതാവ് മുകുള്‍ റോയിയെ എംഎല്‍എ സ്ഥാനത്ത് നിന്ന് അയോഗ്യനാക്കണമെന്ന് ആവശ്യപ്പെട്ട് കൊല്‍ക്കത്ത ഹൈക്കോടതിയെ സമീപിക്കാനൊരുങ്ങി ബിജെപി. ബിജെപിയിൽ നിന്ന് മുകുൾ റോയ് വീണ്ടും തൃണമൂൽ കോൺഗ്രസിൽ ചേർന്നതിനെ തുടര്‍ന്നാണ് നീക്കം.
ഇക്കാര്യം ആവശ്യപ്പെട്ട് പ്രതിപക്ഷ നേതാവ് സുവേന്ദു അധികാരി സ്പീക്കര്‍ക്ക് പരാതി നല്‍കിയിരുന്നു. അതിനിടെ മുകുൾ റോയിയുടെ എംഎല്‍എ സ്ഥാനം റദ്ദാക്കുന്ന കാര്യത്തില്‍ ആദ്യ ഹിയറിങ് വെള്ളിയാഴ്‌ച പൂര്‍ത്തിയായി. നിയമസഭയില്‍ സ്‌പീക്കർ ബിമാൻ ബാനര്‍ജിക്ക് മുന്നിലാണ് ഹിയറിങ് നടന്നത്. ജൂലൈ 30നാണ് അടുത്ത ഹിയറിങ്.