നിയന്ത്രണങ്ങളിൽ ഭാഗിക ഇളവുകൾ പ്രഖ്യാപിച്ച് ബിഹാർ: രാത്രി കർഫ്യൂ തുടരും

ജൂൺ 23 മുതൽ ജൂലൈ ആറ് വരെ സർക്കാർ- സ്വകാര്യ സ്ഥാപനങ്ങൾക്ക് മുഴുവൻ ജീവനക്കാരെ ഉൾപ്പെടുത്തി പ്രവർത്തിക്കാൻ അനുമതി നൽകി.

പട്‌ന:ലോക്ക് ഡൗൺ നിയന്ത്രണങ്ങളിൽ ഭാഗിക ഇളവുകൾ പ്രഖ്യാപിച്ച് ബിഹാർ മുഖ്യമന്ത്രി നിതീഷ് കുമാർ. കൊവിഡ് രോഗികളുടെ എണ്ണം കുറഞ്ഞ സാഹചര്യത്തിലാണ് തീരുമാനം.

ജൂൺ 23 മുതൽ ജൂലൈ ആറ് വരെ സർക്കാർ- സ്വകാര്യ സ്ഥാപനങ്ങൾക്ക് മുഴുവൻ ജീവനക്കാരെ ഉൾപ്പെടുത്തി പ്രവർത്തിക്കാൻ അനുമതി നൽകി. കടകൾ രാത്രി ഏഴ് മണി വരെയും പാർക്കുകൾ രാവിലെ ആറ് മണി മുതൽ 12 വരെയും തുറക്കാമെന്നും മുഖ്യമന്ത്രി അറിയിച്ചു.

അതേസമയം രാത്രികാല കർഫ്യൂവിൽ മാറ്റമുണ്ടാകില്ല. രാത്രി ഒൻപത് മുതൽ പുലർച്ചെ അഞ്ച് വരെ സംസ്ഥാനത്ത് രാത്രി കർഫ്യൂ തുടരുമെന്ന് മുഖ്യമന്ത്രി അറിയിച്ചു. ജനങ്ങൾ കൊവിഡ് മാനദണ്ഡം കർശനമായി പാലിക്കണമെന്നും മുഖ്യമന്ത്രി നിർദേശിച്ചു.