ആറ് പേർ ചേർന്ന് പ്ലസ് വൺ വിദ്യാർഥിയെ പീഡിപ്പിച്ചു

ഐപിസി സെക്‌ഷൻ 354, 506 എന്നീ വകുപ്പുകളും പോക്സോ നിയമത്തിലുമാണ് കേസ് രജിസ്റ്റർ ചെയ്തത്.

കോയമ്പത്തൂർ: ജന്മദിനം ആഘോഷിക്കാൻ ആൺ സുഹൃത്തിനോടൊപ്പം പുറത്ത് പോയ പെൺകുട്ടിയെ ആറ് പേർ ചേർന്ന് പീഡിപ്പിച്ചു. പെൺകുട്ടി പ്ലസ് വൺ വിദ്യാർഥിയാണ്. ഐപിസി സെക്‌ഷൻ 354, 506 എന്നീ വകുപ്പുകളും പോക്സോ നിയമത്തിലുമാണ് കേസ് രജിസ്റ്റർ ചെയ്തത്. പ്രതികളെ പിടികൂടിയെന്ന് പൊലീസ് അറിയിച്ചു. നവംബർ 26 ന് പാർക്കിൽ പോയ ഇവർ രാത്രി 9 മണിക്ക് തിരികെ വരുന്ന സമയത്താണ് ആക്രമണം നടന്നത്. തുടർന്ന് വിജനമായ സ്ഥലത്തേക്ക് കൊണ്ടുപോയി പീഡിപ്പിക്കുകയായിരുന്നുവെന്നും പ്രതികൾ വീഡിയോ റെക്കോർഡ് ചെയ്തെന്നും പൊലീസ് പറഞ്ഞു. സംഭവം പെൺകുട്ടി അമ്മയോട് പറയുകയും തുടർന്ന് പൊലീസിൽ പരാതി നല്‍കുകയുമായിരുന്നു. പ്രതികളെ മഹിളാ കോടതിയിൽ ഹാജരാക്കി. കോടതി പ്രതികളെ കസ്റ്റഡിയിൽ വിട്ടു.