രാജ്യത്ത് ഒരു ദിവസം റിപ്പോർട്ട് ചെയ്യുന്ന കൊവിഡ് കേസുകളുടെ എണ്ണത്തിൽ വൻ വർധനവ്

13,586 പുതിയ കൊവിഡ് കേസുകളും 336 കൊവിഡ് മരണങ്ങളുമാണ് റിപ്പോർട്ട് ചെയ്തത്.

ന്യൂഡൽഹി:കഴിഞ്ഞ 24 മണിക്കൂറിനുള്ളിൽ രാജ്യത്ത് 13,586 പുതിയ കൊവിഡ് കേസുകളും 336 കൊവിഡ് മരണങ്ങളും റിപ്പോർട്ട് ചെയ്തു.

നിലവിൽ രാജ്യത്ത് ആകെ കൊവിഡ് സ്ഥിരീകരിച്ചവരുടെ എണ്ണം 3,80,532 ആയി. ഇതിൽ 1,63,248 സജീവ കേസുകളും 2,04,711 ഡിസ്ചാർജും 12,573 കൊവിഡ് മരണങ്ങളും ഉൾപ്പെടുന്നു.

ഏറ്റവും കൂടുതൽ കൊവിഡ് കേസുകൾ റിപ്പോർട്ട് ചെയ്ത മഹാരാഷ്ട്രയിൽ 1,20,504 കൊവിഡ് കേസുകളും രണ്ടാം സ്ഥാനത്ത് നിൽക്കുന്ന തമിഴ്‌നാട്ടിൽ 52,334 കേസുകളും ഡൽഹിയിൽ 49,979 കൊവിഡ് കേസുകളുമാണ് ആകെ റിപ്പോർട്ട് ചെയ്തത്.