കശ്മീർ സന്ദര്‍ശനം; പ്രതിപക്ഷത്തിന് അനുമതി നല്‍കണമെന്ന് കോണ്‍ഗ്രസ്

കശ്മീരിനുള്ള പ്രത്യേക പദവി റദ്ദാക്കിയ ശേഷം ആദ്യമായാണ് കേന്ദ്ര സംഘം സന്ദര്‍ശനം നടത്തുന്നത്. കേന്ദ്ര ആഭ്യന്തരമന്ത്രാലയമാണ് യാത്ര ഏകോപിപ്പിക്കുന്നത്.

ന്യൂഡല്‍ഹി: 36 കേന്ദ്രമന്ത്രിമാരെ കശ്മീരിലേക്ക് അയക്കാനുള്ള കേന്ദ്ര സര്‍ക്കാര്‍ നീക്കത്തിനെതിരെ കോണ്‍ഗ്രസ്. എന്തുകൊണ്ടാണ് പ്രതിപക്ഷ നേതാക്കളെ കശ്മീർ സന്ദര്‍ശനം നടത്താന്‍ അനുവദിക്കാത്തതെന്ന് കോണ്‍ഗ്രസ് നേതാവ് മനീഷ് തിവാരി ട്വീറ്റ് ചെയ്തു. ജനുവരി 18 നും 23നും ഇടയില്‍ 51 അംഗ കേന്ദ്രമന്ത്രി സംഘം ജമ്മുവില്‍ സന്ദര്‍ശനം നടത്തും.

എട്ട് പേര്‍ ശ്രീനഗറിലും സന്ദര്‍ശനത്തിനെത്തും. കശ്മീർ സന്ദർശിക്കാനുള്ള കേന്ദ്ര നീക്കത്തെ അനുകുലിക്കുന്നു, എന്നാല്‍ എന്തുകൊണ്ട് പ്രതിപക്ഷ നോതാക്കളെ സന്ദർശനത്തില്‍ നിന്ന് തടഞ്ഞെന്നും കോണ്‍ഗ്രസ് ചോദിച്ചു. കശ്മീരിനുള്ള പ്രത്യേക പദവി റദ്ദാക്കിയ ശേഷം ആദ്യമായാണ് കേന്ദ്ര സംഘം ഇത്തരം സന്ദര്‍ശനം നടത്തുന്നത്. കേന്ദ്ര ആഭ്യന്തരമന്ത്രാലയമാണ് യാത്ര ഏകോപിപ്പിക്കുന്നത്. സംസ്ഥാനത്ത് അസ്വസ്ഥത നിലനില്‍ക്കുന്ന പ്രദേശങ്ങളിലാണ് കേന്ദ്ര നേതാക്കള്‍ സന്ദര്‍ശനത്തിന് ഒരുങ്ങുന്നത്. സന്ദര്‍ശനം സംബന്ധിച്ച വിഷയങ്ങളില്‍ ജി ജി. കിഷൻ റെഡ്ഡി, ജമ്മു കശ്മീര്‍ ചീഫ് സെക്രട്ടറി ബി.വി.ആറിന് കത്ത് എഴുതിയിരുന്നു.