പശുത്തൊഴുത്തിൽ തീപിടിച്ച് ഒരാൾക്ക് പരിക്ക്

പശ്ചിമ ബംഗാളിലെ ബൻകുര ജില്ലയിലാണ് തീപിടുത്തമുണ്ടായത്. പരിക്കേറ്റ യുവതിയെ ബങ്കുരയിലെ ആശുപത്രിയിലേക്ക് മാറ്റി. അവിടെ ആരോഗ്യനില സ്ഥിരമാണ്.

കൊൽക്കത്ത:പശ്ചിമ ബംഗാളിലെ ബൻകുരയിലെ പശുത്തൊഴുത്തിന് തീപിടിച്ച് ഒരാൾക്ക് പരിക്ക്. പ്രദേശത്ത് അഗ്നിശമന സേന ഇല്ലാത്തതിനാൽ 12:10 ന് ഉണ്ടായ തീപിടുത്തം പുലർച്ചെ നാല് മണിക്കും നിയന്ത്രണവിധേയമാക്കിയില്ല. പ്രദേശവാസികൾ വെള്ളമൊഴിച്ച് തീകെടുത്താനുള്ള ശ്രമം തുടരുകയാണ്. തൊഴുത്തിൽ നിന്ന് പശുക്കളെ രക്ഷിക്കുന്നതിനിടെ 56 കാരിയായ സ്ത്രീക്കാണ് പരിക്കേറ്റത്. ഇവരെ ആശുപത്രിയിലേക്ക് മാറ്റി. പരിക്ക് ഗുരുതരമല്ല. ആളപായം റിപ്പോർട്ട് ചെയ്തിട്ടില്ലെന്ന് പൊലീസ് പറഞ്ഞു.