കർണാടകയിലേക്കുള്ള നാലാമത്തെ വിമാനം ബുധനാഴ്ച ബെംഗളൂരുവിലെത്തി

സിംഗപ്പൂരിൽ നിന്ന് 149 യാത്രക്കാരുമായാണ് എയർബസ് എ 320-251 എൻ (എഐ 1379) രാത്രി 9.51 നാണ് സിറ്റി അന്താരാഷ്ട്ര വിമാനത്താവളത്തിൽ എത്തിയത്.

ബെംഗളൂരു:കർണാടകയിലേക്കുള്ള നാലാമത്തെ വിമാനം ബുധനാഴ്ച രാത്രി സിംഗപ്പൂരിൽ നിന്ന് ബെംഗളൂരുവിലെത്തി. സിംഗപ്പൂരിൽ നിന്ന് 149 യാത്രക്കാരുമായാണ് എയർബസ് എ 320-251 എൻ (എഐ 1379) രാത്രി 9.51 ന് സിറ്റി അന്താരാഷ്ട്ര വിമാനത്താവളത്തിൽ എത്തിയത്. സിംഗപ്പൂരിലെ ചംഗി വിമാനത്താവളത്തിൽ നിന്ന് പുറപ്പെടാൻ വൈകിയതിനാൽ ഷെഡ്യൂൾ ചെയ്തതിന് രണ്ട് മണിക്കൂർ വൈകിയാണ് ഫ്ലൈറ്റ് ലാൻഡ് ചെയ്തത്. യാത്രക്കാരെ സംസ്ഥാന ആരോഗ്യ വകുപ്പും എ-ഐ ഉദ്യോഗസ്ഥരും ചേർന്ന് സ്വീകരിച്ചു. മടങ്ങിയെത്തിയവർക്ക് ധരിക്കാൻ പുതിയ മാസ്കുകളും കൈകഴുകാൻ സാനിറ്റൈസറും നൽകി.

ഔപചാരിക നടപടികൾ പൂർത്തിയാക്കിയ ശേഷം, നഗരത്തിൽ ബുക്ക് ചെയ്ത സ്റ്റാർ ഹോട്ടലുകളിൽ 14 ദിവസത്തെ ക്വാറന്‍റൈനിൽ പ്രവേശിപ്പിച്ചു. ഇന്ത്യൻ മൊബൈൽ കണക്ഷൻ ഇല്ലാത്ത യാത്രക്കാർക്ക് പ്രാദേശിക ഓപ്പറേറ്റർമാർ ഒരു പുതിയ സിം കാർഡ് നൽകി. വിമാനത്താവളത്തിൽ നിന്ന് പുറപ്പെടുന്നതിന് മുമ്പായി നിർബന്ധിതമായി ആരോഗ്യ സേതു ആപ്പ്, ആപ്തമിത്ര ആപ്ലിക്കേഷൻ ഡൗൺലോഡ് ചെയ്യാൻ നിർദേശിച്ചിരുന്നു.