പോയിന്‍റ് 303 റൈഫിൾ ഉപേക്ഷിക്കാനൊരുങ്ങി ഉത്തരാഖണ്ഡ് പൊലീസ്

1914 ൽ ഒന്നാം ലോകമഹായുദ്ധ കാലത്താണ് പോയിന്‍റ് 303 റൈഫിളുകള്‍ ആദ്യമായി ഉപയോഗിക്കുന്നത്

ഡെറാഡൂൺ: 150 വർഷത്തെ സേവനത്തിന് ശേഷം പോയിന്‍റ് 303 ലീ എൻഫീൽഡ് തോക്കുകൾ ഉപേക്ഷിക്കാനൊരുങ്ങി ഉത്തരാഖണ്ഡ് പൊലീസ്. ഒരു നൂറ്റാണ്ട് പഴക്കമുള്ള പോയിന്‍റ് 303 റൈഫിളുകൾ 1857ലാണ് നിർമിക്കപ്പെടുന്നത്. 1914 ൽ ഒന്നാം ലോകമഹായുദ്ധ കാലത്താണ് ഇത് ആദ്യമായി ഉപയോഗിക്കുന്നത്. ആധുനിക ആയുധങ്ങളുമായി താരതമ്യപ്പെടുത്തുമ്പോൾ 90 ശതമാനം മരം കൊണ്ടാണ് ഇവയുടെ നിർമാണം. അക്കാലത്തെ ആവശ്യമനുസരിച്ച് മികച്ച പ്രവർത്തനമാണ് പോയിന്‍റ് 303 റൈഫിൾ കാഴ്‌ച വച്ചിരുന്നത്.