ബിജ്‌നോർ ടൈഗർ റിസർവ് വനത്തില്‍ ആനകുട്ടിയെ ചെരിഞ്ഞ നിലയിൽ കണ്ടെത്തി

രോഗം ബാധിച്ച് ചെരിഞ്ഞതാകാമെന്ന് വനം വകുപ്പ് അധികൃതർ പറഞ്ഞു. മരണകാരണം പോസ്റ്റ്‌മോർട്ടം റിപ്പോർട്ടിൽ നിന്ന് മാത്രമേ കൃത്യമായി പറയാനാകൂവെന്ന് വനം അധികൃതർ അറിയിച്ചു.

ലക്‌നൗ : ഉത്തർപ്രദേശിലെ ബിജ്‌നോർ അമാൻഗഡ് ടൈഗർ റിസർവ് വനപ്രദേശത്ത് ആനകുട്ടിയുടെ ജഡം കണ്ടെത്തി. മൂന്ന് വയസുള്ള ആനകുട്ടിയെയാണ് ചെരിഞ്ഞ നിലയിൽ കണ്ടെത്തിയത്. രോഗം ബാധിച്ച് ചെരിഞ്ഞതാകാമെന്ന് വനം വകുപ്പ് അധികൃതർ പറഞ്ഞു. മരണകാരണം പോസ്റ്റ്‌മോർട്ടം റിപ്പോർട്ടിൽ നിന്ന് മാത്രമേ കൃത്യമായി പറയാനാകൂവെന്ന് വനം അധികൃതർ അറിയിച്ചു. ബിജ്‌നോറിലെ കിരത്പൂരിലെ കർഷകന്‍റെ വയലിനടുത്താണ് ജഡം കണ്ടെത്തിയത്.