യു.പിയില്‍ ജീപ്പിടിച്ച് ബൈക്ക് യാത്രികൻ കൊല്ലപ്പെട്ടു
അപകടത്തിന് കാരണമായ ജീപ്പ് കസ്റ്റഡിയിലെടുത്തതായി പൊലീസ് അറിയിച്ചു. ഗുരുതരമായി പരിക്കേറ്റ അമ്രേഷിന്‍റെ സുഹൃത്ത് വിക്രം ആശുപത്രിയില്‍ ചികിത്സയിലാണ്.
ഉത്തര്‍പ്രദേശില്‍ ജീപ്പിടിച്ച് ബൈക്ക് യാത്രക്കാരന്‍ കൊല്ലപ്പെട്ടു; ഒരാള്‍ക്ക് പരിക്ക്
അമേഠി: അമിതവേഗതയിലെത്തിയ ജീപ്പിടിച്ച് ബൈക്ക് യാത്രികൻ കൊല്ലപ്പെട്ടു. 16 വയസുകാരനായ അമ്രേഷ് കുമാറാണ് സംഭവസ്ഥലത്ത് വച്ച് തന്നെ മരിച്ചത്. ഗുരുതരമായി പരിക്കേറ്റ അമ്രേഷിന്‍റെ സുഹൃത്ത് വിക്രം ആശുപത്രിയില്‍ ചികിത്സയിലാണ്. ഇരുവരും ബൈക്കില്‍ മാര്‍ക്കറ്റ് ഏരിയയിലേക്ക് പോകുമ്പോഴാണ് സൈന്ത റോഡില്‍ വെച്ച് അപകടമുണ്ടായതെന്ന് ഗൗരിഗഞ്ച് എസ്എച്ച്ഒ അരുണ്‍ കുമാര്‍ പറഞ്ഞു. അപകടത്തിന് കാരണമായ ജീപ്പ് പൊലീസ് കസ്റ്റഡിയിലെടുത്തിട്ടുണ്ട്. അമ്രേഷിന്‍റെ മൃതദേഹം പോസ്റ്റ്‌മോര്‍ട്ടത്തിന് ശേഷം ബന്ധുക്കള്‍ക്ക് വിട്ടുനല്‍കുമെന്ന് പൊലീസ് അറിയിച്ചു.