മൊബൈൽ മോഷണ സംഘം പിടിയില്‍

സംഘത്തിൽ നിന്നും 27 മൊബൈൽ ഫോണുകളും മൂന്ന് ബൈക്കുകളും പൊലീസ് പിടിച്ചെടുത്തു.

അയോധ്യ: മൊബൈലുകൾ മോഷ്ടിക്കുന്ന മൂന്നംഗ സംഘത്തെ ഉത്തർപ്രദേശ് പൊലീസ് പിടികൂടി. ഇവരിൽ നിന്നും 27 മൊബൈൽ ഫോണുകളും മൂന്ന് ബൈക്കുകളും പൊലീസ് പിടിച്ചെടുത്തു. ഞായറാഴ്ച വൈകീട്ട് അയോധ്യയിൽ വച്ചാണ് സംഘത്തെ പൊലീസ് പിടികൂടിയത്. ഇവർക്കെതിരെ നിരവധി പരാതികൾ ജില്ലയിലെ വിവിധ പൊലീസ് സ്റ്റേഷനുകളിൽ രജിസ്റ്റർ ചെയ്തിട്ടുണ്ട്. ഇവർക്കെതിരെ ഉത്തർപ്രദേശ് പൊലീസ് മോഷണ കുറ്റം ചുമത്തി കേസെടുത്തു.