ബാബറി മസ്‌ജിദ് പൊളിക്കല്‍ വാര്‍ഷികം; യുപിയില്‍ സുരക്ഷ ശക്തമാക്കാന്‍ നിര്‍ദേശം
ഡിസംബര്‍ ആറിനാണ് ബാബറി മസ്‌ജിദ് പൊളിക്കല്‍ വാര്‍ഷികം.
ബാബറി മസ്‌ജിദ് പൊളിക്കല്‍ വാര്‍ഷികം
ലക്‌നൗ: ബാബറി മസ്‌ജിദ് പൊളിച്ചിട്ട് 27 വര്‍ഷം തികയുന്ന കാലയളവില്‍ സംസ്ഥാനത്ത് സുരക്ഷാക്രമീകരണങ്ങള്‍ ശക്തമാക്കാന്‍ നിര്‍ദേശിച്ച് ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ്. ഡിസംബര്‍ ആറിനാണ് ബാബറി മസ്‌ജിദ് പൊളിക്കല്‍ വാര്‍ഷികം. നവംബര്‍ 9 ന് അയോധ്യ കേസില്‍ സുപ്രീം കോടതി വിധി പറഞ്ഞ സാഹചര്യത്തില്‍ സംഘര്‍ഷാവസ്ഥ ഉണ്ടാവാനുള്ള സാധ്യത കണക്കിലെടുത്താണ് സുരക്ഷ ശക്തമാക്കുന്നത്. ഡിസംബര്‍ 15 വരെ സുരക്ഷ ശക്തമാക്കും. മത നേതാക്കന്മാരോടും സമാധാന കമ്മിറ്റികളുമായും നിരന്തര ചര്‍ച്ചകള്‍ നടത്തുന്നുണ്ടെന്നും മുഖ്യമന്ത്രി അറിയിച്ചു.