കശ്‌മീരിൽ തീവ്രവാദികളെന്ന് സംശയിക്കുന്ന രണ്ടു പേർ പിടിയിൽ

സുരക്ഷാ സേനക്ക് ലഭിച്ച വിവരത്തിന്‍റെ അടിസ്ഥാനത്തിൽ ജവഹർ ടണലിൽ നടന്ന വാഹന പരിശോധനക്കിടയിലാണ് ഇരുവരും പിടിയിലായത്

ശ്രീനഗർ:ദക്ഷിണ കശ്‌മീരിലെ കുൽഗ്രാമിൽ നിന്നും സുരക്ഷ സേന തീവ്രവാദികളെന്ന് സംശയിക്കുന്ന രണ്ടു പേരെ പിടികൂടി. ഇവരിൽ നിന്ന് ആയുധങ്ങളും സേന കണ്ടെടുത്തു. ബിലാൽ അഹമ്മദ് കുട്ടി, ഷാനവാസ് അഹമ്മദ് മിർ എന്നിവരാണ് അറസ്റ്റിലായത്. സുരക്ഷാ സേനക്ക് ലഭിച്ച വിവരത്തിന്‍റെ അടിസ്ഥാനത്തിൽ ജവഹർ ടണലിൽ നടന്ന വാഹന പരിശോധനക്കിടയിലാണ് ഇരുവരും പിടിയിലായത്. എകെ -47 റൈഫിൾ, എം 4 യുഎസ് കാർബൺ, ആറ് ചൈനീസ് പിസ്റ്റളുകൾ എന്നിവയാണ് ഇവരിൽ നിന്ന് കണ്ടെടുത്തത്.