ചത്തീസ്‌ഗഢിൽ പൊലീസും നക്‌സലും ഏറ്റുമുട്ടൽ; രണ്ട് പൊലീസ് ഉദ്യോഗസ്ഥർക്ക് പരിക്ക്

സുഖ്‌മ ജില്ലയിലെ ചിന്താൽനർ പൊലീസ് സ്റ്റേഷൻ പരിധിയിൽ വരുന്ന വനത്തിലാണ് ഏറ്റുമുട്ടൽ നടന്നത്.

റായ്‌പൂർ: പൊലീസും നക്‌സലുകളുമായുണ്ടായ ഏറ്റുമുട്ടലിൽ രണ്ട് പൊലീസ് ഉദ്യോഗസ്ഥർക്ക് പരിക്കേറ്റു. സുഖ്‌മ ജില്ലയിലെ ചിന്താൽനർ പൊലീസ് സ്റ്റേഷൻ പരിധിയിൽ വരുന്ന വനത്തിലാണ് ഏറ്റുമുട്ടൽ നടന്നത്. വനത്തിൽ വെച്ച് ജില്ലാ റിസർവ് ഗാർഡിന് നേരെ നക്‌സലുകൾ വെടിയുതിർക്കുകയായിരുന്നുവെന്ന് സീനിയർ പൊലീസ് ഓഫീസർ പറഞ്ഞു.