തമിഴ്‌നാട്ടിൽ രണ്ട് പേർക്ക് കൂടി കൊവിഡ് 19

വെസ്റ്റ് ഇൻഡീസിൽ നിന്നും വന്ന 42 വയസുകാരനും യുകെയിൽ നിന്നും വന്ന 49 വയസുകാരനുമാണ് രോഗം സ്ഥിരീകരിച്ചത്

ചെന്നൈ: തമിഴ്നാട്ടിൽ രണ്ട് പേർക്ക് കൂടി കൊവിഡ് 19 സ്ഥിരീകരിച്ചു. ഇതോടെ സംസ്ഥാനത്തെ കൊവിഡ് ബാധിതരുടെ എണ്ണം 40 ആയി. വിദേശയാത്ര കഴിഞ്ഞ് മടങ്ങിയെത്തിയ 42ഉം 49ഉം പ്രായമുള്ള പുരുഷന്മാർക്കാണ് രോഗം സ്ഥിരീകരിച്ചത്. ഇതിൽ ഒരാൾ കുംഭകോണം സ്വദേശിയാണ്. തഞ്ചാവൂർ ഗവൺമെന്റ് ആശുപത്രിയിലാണ് ഇദ്ദേഹം ചികിത്സയിലുള്ളത്. മറ്റൊരാൾ വെല്ലൂരിലെ പ്രൈവറ്റ് ആശുപത്രിയിൽ ചികിത്സയിലാണ്.