ഹിസാറിൽ ബൈക്ക് ട്രക്കിൽ ഇടിച്ച് രണ്ടു പേർ മരിച്ചു

ട്രക്ക് ഡ്രൈവറെ തിരിച്ചറിഞ്ഞിട്ടില്ല. പൊലീസ് കേസ് രജിസ്റ്റര്‍ ചെയ്തു.

ഛണ്ഡീഗഡ് : ചരക്കുമായി വന്ന ട്രക്കുമായി കൂട്ടിയിടിച്ച് ബൈക്ക് യാത്രികരായ രണ്ടു യുവാക്കൾ മരിച്ചു. രാജ്‌പുര ഗ്രാമത്തിൽ താമസിക്കുന്ന സന്ദീപ് (29), രാജേഷ് (22) എന്നിവരാണ് മരിച്ചത്. ഗുജ്ജർബാര ഗ്രാമത്തിൽ നിന്ന് 40 കിലോമീറ്റർ മാറി ഹൻസി- സിസായി റോഡിൽ വച്ചാണ് അപകടം നടക്കുന്നത്. ഇരുവരും രാജ്‌പുരയിലേക്ക് പോകുകയായിരുന്നു. അജ്ഞാതനായ ട്രക്ക് ഡ്രൈവർക്കെതിരെ പൊലിസ് കേസ് രജിസ്‌റ്റർ ചെയ്‌തു.