ഹന്ദ്വാര ഏറ്റുമുട്ടലില്‍ ലഷ്‌കര്‍ ഇ ത്വയ്ബ കമാന്‍ഡര്‍ കൊല്ലപ്പെട്ടതായി കശ്‌മീര്‍ ഐജി

രണ്ട് തീവ്രവാദികളെ സൈന്യം വധിച്ചതായി കരസേന വക്താവ് അറിയിച്ചു

ശ്രീനഗർ: വടക്കൻ കശ്മീരിലെ ഹന്ദ്വാരയിൽ നടന്ന ഏറ്റുമുട്ടലിൽ പാകിസ്ഥാൻ ലഷ്കർ-ഇ-ത്വയ്‌ബ (എൽഇടി) കമാൻഡർ ഹൈദറിനെ വധിച്ചതായി ഐജി വിജയ് കുമാർ അറിയിച്ചു. ഹന്ദ്വാരയിലെ ചഞ്ചുമുല്ല പ്രദേശത്ത് ശനിയാഴ്ച നടന്ന ഏറ്റുമുട്ടലിൽ രണ്ട് തീവ്രവാദികളെ സൈന്യം വധിച്ചതായി കരസേന വക്താവും വ്യക്തമാക്കി. കഴിഞ്ഞ കുറച്ച് ദിവസങ്ങളായി ഈ മേഖലയിൽ തീവ്രവാദികളുടെ നുഴഞ്ഞുകയറ്റ ശ്രമം വലിയ തോതിൽ നടന്നിരുന്നു. ഇതിനെ തുടർന്ന് രാഷ്ട്രീയ റൈഫിൾസ് യൂണിറ്റിലെ കരസേനാംഗങ്ങളും ജമ്മു കശ്മീർ പൊലീസും സംയുക്തമായി ഏറ്റുമുട്ടൽ നടത്തുകയായിരുന്നു. ഏറ്റുമുട്ടലിനിടെ നാല് കരസേനാംഗങ്ങളും ഒരു പൊലീസ് ഉദ്യോഗസ്ഥനും കൊല്ലപ്പെട്ടിരുന്നു.