ഗാന്ധിനഗര്‍: അമ്മ മരിച്ചതറിയാതെ, ഉണര്‍ത്താന്‍ ശ്രമിച്ച് മൂന്ന് വയസുകാരി പ്രിന്‍സി. ബറൂച്ച് ആശുപത്രിയിലാണ് ഹൃദയഭേദകമായ ഈ സംഭവം നടന്നത്. ദാന്‍ദിയ പ്രദേശത്താണ് പ്രിന്‍സിയും അമ്മയും താമസിച്ചിരുന്നത്. മാരകമായ അസുഖത്തെ തുടര്‍ന്ന് അവശനിലയിലായ പ്രിന്‍സിയുടെ അമ്മ ആശുപത്രിയില്‍വച്ചാണ് മരിച്ചത്. എന്നാല്‍ അമ്മ മരിച്ചതറിയാതെ ഉറങ്ങുകയാണെന്ന ധാരണയില്‍ മണിക്കൂറുകളോളം അമ്മക്ക് അരികില്‍ ഇരുന്ന് പ്രിന്‍സി അമ്മയെ ഉണര്‍ത്താന്‍ ശ്രമിച്ചുകൊണ്ടേയിരുന്നു. കുഞ്ഞ് പ്രിന്‍സിയുടെ പരിശ്രമം ആശുപത്രി ജീവനക്കാരെയും മറ്റ് രോഗികളെയും കണ്ണീരിലാഴ്ത്തി.
മരിച്ച അമ്മയെ ഉണര്‍ത്താന്‍ ശ്രമിച്ച് കുഞ്ഞ്; കണ്ണീര്‍ കാഴ്ചയായി പ്രിന്‍സി