പൊലീസ് സ്റ്റേഷനിൽ യുവാവിന്‍റെ മരണം; ക്ഷുഭിതരായി ജനക്കൂട്ടം

മോഷണം ആരോപിച്ചാണ് യുവാവിനെ ചോദ്യം ചെയ്യലിനായി പൊലീസ് സ്റ്റേഷനിലേക്ക് വിളിച്ചു വരുത്തിയത്.

കൊൽക്കത്ത: തെക്കൻ കൊൽക്കത്തയിലെ സിത്തി പൊലീസ് സ്റ്റേഷനിൽ യുവാവ് ദുരൂഹ സാഹചര്യത്തിൽ മരിച്ചതിനെത്തുടർന്ന് ജനക്കൂട്ടം പൊലീസ് സ്റ്റേഷൻ നശിപ്പിച്ചു. തിങ്കളാഴ്‌ച്ചയാണ് കേസിനാസ്‌പദമായ സംഭവം. മോഷണം ആരോപിച്ചാണ് യുവാവിനെ ചോദ്യം ചെയ്യലിനായി പൊലീസ് സ്റ്റേഷനിലേക്ക് വിളിച്ചു വരുത്തിയത്. കൊൽക്കത്ത സ്വദേശി രാജ് കുമാർ സോവുവാണ് മരിച്ചത്. സംഭവത്തിൽ ക്ഷുഭിതരായ ജനക്കൂട്ടം പൊലീസ് സ്റ്റേഷൻ വളയുകയും നാശനഷ്ടം വരുത്തുകയുമായിരുന്നു. അതേസമയം രാജ് കുമാർ അസുഖ ബാധിതാനായി മരിച്ചെന്നാണ് പൊലീസ് വാദം.