ന്യൂഡല്‍ഹി:മുഖ്യമന്ത്രി അരവിന്ദ് കെജ്‌രിവാളിനെതിരെ തീവ്രവാദ പരാമർശം നടത്തിയതിന് ബിജെപി എംപി പര്‍വേഷ് വര്‍മക്കെതിരെ തെരഞ്ഞെടുപ്പ് കമ്മീഷന്‍ പ്രചാരണ വിലക്ക് ഏര്‍പ്പെടുത്തി. 24 മണിക്കൂറാണ് വിലക്ക് ഏര്‍പ്പെടുത്തിയത്. ഫെബ്രുവരി എട്ടിന് നടക്കുന്ന ഡല്‍ഹി നിയമസഭാ തെരഞ്ഞെടുപ്പ് പ്രചാരണത്തില്‍ പങ്കെടുക്കാന്‍ അദ്ദേഹത്തിന് കഴിയില്ല. പ്രചാരണം വ്യാഴാഴ്‌ച വൈകിട്ട് അഞ്ചിന് അവസാനിക്കും. ഡല്‍ഹി തെരഞ്ഞെടുപ്പ് പ്രചാരണത്തിനിടെയായിരുന്നു കെജ്‌രിവാളിനെ പര്‍വേഷ് തീവ്രവാദിയെന്ന് വിശേഷിപ്പിച്ചത്.