ബിഹാറിൽമഹാസഖ്യം സീറ്റുകള്‍ പ്രഖ്യാപിച്ചു. ആര്‍ജെഡി 19 സീറ്റിലും ഉപേന്ദ്ര കുശ്‌വാഹയുടെ ആര്‍എല്‍എസ്പി അഞ്ച് സീറ്റിലും കോണ്‍ഗ്രസ് ഒമ്പത് സീറ്റിലുമാണ് മത്സരിക്കുന്നത്. ആര്‍ജെഡി നേതാവ് തേജസ്വി യാദവാണ്സീറ്റുകള്‍ സംബന്ധിച്ച പ്രഖ്യാപനം നടത്തിയത്. എല്‍ജെഡി നേതാവ് ശരത് യാദവ് ആര്‍ജെഡി ടിക്കറ്റില്‍ മധേപ്പുര മണ്ഡലത്തില്‍ നിന്ന് മത്സരിക്കും. 18 സ്ഥാനാര്‍ഥികളുടെ പേരാണ് പട്ടികയിലുള്ളത്. ഒരു മണ്ഡലത്തിലെ സ്ഥാനാര്‍ഥിയെ ആര്‍ജെഡി പ്രഖ്യാച്ചിട്ടില്ല.
ബിഹാറിൽ സീറ്റുകള്‍ പ്രഖ്യാപിച്ച് മഹാസഖ്യം; ശരത് യാദവ് മധേപ്പുര മണ്ഡലത്തില്‍ മത്സരിക്കും - തേജസ്വി യാദവ്
ആര്‍ജെഡി നേതാവ് തേജസ്വി യാദവാണ് സീറ്റുകള്‍ സംബന്ധിച്ച പ്രഖ്യാപനം നടത്തിയത്. ജയപ്രകാശ് യാദവ് ബാങ്ക മണ്ഡലത്തില്‍ നിന്നും ലാലുപ്രസാദ് യാദവിന്‍റെ മകള്‍ മിസാ ഭാരതി പാടലിപുത്ര മണ്ഡലത്തില്‍ നിന്നും മത്സരിക്കും.
തേജസ്വി യാദവ് (ഫയൽ ചിത്രം)
ഒമ്പത് സീറ്റുള്ള കോണ്‍ഗ്രസ് മൂന്ന് സ്ഥാനാര്‍ഥികളെയും, അഞ്ച് സീറ്റുകള്‍ ഉള്ള ആര്‍എല്‍എസ്പി ഒരു സ്ഥാനാര്‍ഥിയെയും പ്രഖ്യാപിച്ചു. ബിജെപി വിട്ട് കോണ്‍ഗ്രസിലെത്തിയ ശത്രുഘ്നന്‍ സിന്‍ഹയായിരിക്കും പട്നാ സാഹിബിലെ കോണ്‍ഗ്രസ് സ്ഥാനാര്‍ഥി. എന്നാല്‍ ഇന്ന് പുറത്തുവിട്ട പട്ടികയില്‍ അദ്ദേഹത്തിന്റെ പേര് ഉള്‍പ്പെടുത്തിയിട്ടില്ല.