ചെന്നൈ: തമിഴ്‌നാട്ടില്‍ കൊവിഡ് രോഗികളുടെ എണ്ണം ഒരു ലക്ഷം കടന്നു. 4,329 പേര്‍ക്കാണ് പുതുതായി രോഗം സ്ഥിരീകരിച്ചത്. 64 പേര്‍ കൂടി കൊവിഡ് ബാധിച്ച് മരിച്ചു. ഇതോടെ സംസ്ഥാനത്തെ കൊവിഡ് രോഗികളുടെ എണ്ണം 1,02,721 ആയി. 1,385 പേരാണ് കൊവിഡ് ബാധിച്ച് മരിച്ചത്.
പുതുതായി റിപ്പോര്‍ട്ട് ചെയ്‌ത കേസുകളിൽ 2,082 എണ്ണം ചെന്നൈയില്‍ നിന്നാണ്. ചെന്നൈയില്‍ 64,689 പേര്‍ക്കാണ് രോഗം സ്ഥിരീകരിച്ചിട്ടുള്ളത്. 996 കൊവിഡ് മരണങ്ങളും ഇവിടെ റിപ്പോര്‍ട്ട് ചെയ്‌തു. തമിഴ്‌നാട്ടില്‍ 2,357 പേര്‍ കൂടി രോഗമുക്തി നേടിയതോടെ രോഗം ഭേദമായവരുടെ എണ്ണം 58,378 ആയി ഉയര്‍ന്നു.