ലഖ്‌നൗ: വാരണാസിയിലെ സുഭാഷ് ചന്ദ്രബോസിനായി സമർപ്പിച്ച ക്ഷേത്രം ഉദ്ഘാടനം ചെയ്തു. നേതാവിന്‍റെ 123-ാം ജന്മവാർഷികത്തോടനുബന്ധിച്ച് ആസാദ് ഹിന്ദ് മാർഗിലെ സുഭാഷ് ഭവനിൽ സ്ഥിതി ചെയ്യുന്ന ക്ഷേത്രം മുതിർന്ന ആർ‌എസ്‌എസ് നേതാവ് ഇന്ദ്രേഷ് കുമാറാണ് ഉദ്ഘാടനം ചെയ്തത്.
ക്ഷേത്രത്തിൽ ദലിത് സ്ത്രീ മുഖ്യ പുരോഹിതനായിരിക്കുമെന്നും രാവിലെയും വൈകുന്നേരവും ആരതി ഭാരത മാതാവിനോടുള്ള പ്രാർത്ഥനയോടെ നടക്കുമെന്നും വൃത്തങ്ങൾ അറിയിച്ചു.സ്വാതന്ത്ര്യസമരത്തിൽ പ്രധാന പങ്കുവഹിച്ച ബോസിന് ഈ ക്ഷേത്രം ഉചിതമായ ആദരാഞ്ജലിയാണെന്ന് ഇന്ദ്രേഷ് കുമാർ പറഞ്ഞു.
സുഭാഷ് ഭവനിന്‍റെ മുൻവശത്ത് സ്ഥിതി ചെയ്യുന്ന ഈ ക്ഷേത്രത്തിൽ സുഭാഷ് ചന്ദ്രബോസിന്‍റെ കറുത്ത ഗ്രാനൈറ്റ് പ്രതിമയുണ്ട്. ക്ഷേത്രത്തിന് ചുറ്റുമുള്ള പടികൾ ചുവപ്പും വെള്ളയുമാണ്. "ചുവപ്പ് നിറം വിപ്ലവത്തെ പ്രതീകപ്പെടുത്തുന്നു, വെളുത്തത് സമാധാനത്തിനും കറുപ്പ് ശക്തിക്കും വേണ്ടിയാണ്," ബനാറസ് ഹിന്ദു സർവകലാശാലയിലെ ഡോ. രാജീവ് പറഞ്ഞു. ജനങ്ങൾക്കിടയിൽ ദേശസ്‌നേഹം വളർത്തുക, നേതാജിയുടെ ഓർമ നിലനിർത്തുക എന്നിവയാണ് ക്ഷേത്രത്തിന്‍റെ ലക്ഷ്യമെന്നും അദ്ദേഹം പറഞ്ഞു.
വാരണസിയില്‍ വലിയൊരു ജനസംഖ്യ ബംഗാളികളാണെന്ന വസ്തുതയിലാണ് വാരണാസിയിലെ സുഭാഷ് ക്ഷേത്രത്തിന്‍റെ പ്രാധാന്യം. ജീവിതത്തിന്‍റെ അവസാന നാളുകൾ ചെലവഴിക്കാൻ വാരണാസിയിൽ എത്തുന്ന വിധവകൾ പശ്ചിമ ബംഗാളിൽ നിന്നുള്ളവരാണ്. മിനി ബംഗാള്‍ എന്നാണ്‌ നഗരത്തിന്‍റെ മറ്റൊരു പേര്.
