പാർലമെന്‍റ് മൺസൂൺ സെഷനിൽ എല്ലാ സുരക്ഷാ മാനദണ്ഡങ്ങളും പാലിക്കും; ഓം ബിർള

മൺസൂൺ സെഷന്‍റെ തയ്യാറെടുപ്പുകൾ അവലോകനം ചെയ്യുന്നതിനായി വ്യാഴാഴ്ച യോഗം ചേർന്നതായും ശുചിത്വവൽക്കരണത്തിനും മറ്റ് ക്രമീകരണങ്ങൾക്കുമായി ജാഗ്രതയോടെ പ്രവർത്തിക്കാൻ ബന്ധപ്പെട്ട എല്ലാ ഏജൻസികളോടും നിർദേശിച്ചതായും സ്പീക്കർ ട്വീറ്റിൽ അറിയിച്ചു.

ന്യൂഡൽഹി: കൊവിഡ് -19 കണക്കിലെടുത്ത് പാർലമെന്‍റിന്‍റെ മൺസൂൺ സെഷൻ സുഗമമാക്കുന്നതിന് മുൻഗണന നൽകുമെന്നും സാമൂഹിക അകലം സംബന്ധിച്ച എല്ലാ മാർഗ്ഗനിർദേശങ്ങളും സെഷനിൽ പാലിക്കുമെന്നും ലോക്സഭാ സ്പീക്കർ ഓം ബിർള.

മൺസൂൺ സെഷന്‍റെ തയ്യാറെടുപ്പുകൾ അവലോകനം ചെയ്യുന്നതിനായി വ്യാഴാഴ്ച യോഗം ചേർന്നതായും ശുചിത്വവൽക്കരണത്തിനും മറ്റ് ക്രമീകരണങ്ങൾക്കുമായി ജാഗ്രതയോടെ പ്രവർത്തിക്കാൻ ബന്ധപ്പെട്ട എല്ലാ ഏജൻസികളോടും നിർദേശിച്ചതായും സ്പീക്കർ ട്വീറ്റിൽ അറിയിച്ചു. ഇരുസഭകളുടെയും ഉദ്യോഗസ്ഥരുമായി നടത്തിയ കൂടിക്കാഴ്ചയുടെ വീഡിയോയും അദ്ദേഹം പങ്കുവച്ചു.

ലോക്സഭ, രാജ്യസഭാ പരിസരങ്ങളിൽ ആവശ്യമായ തയ്യാറെടുപ്പുകളും പരിഷ്കാരങ്ങളും നടത്തിക്കൊണ്ടിരിക്കുകയാണ്. സാമൂഹ്യ അകലം, ശബ്ദ സംവിധാനങ്ങൾ, വ്യാഖ്യാന സേവനങ്ങൾ, എം‌പിമാരുടെ സ്റ്റാഫുകൾക്കായി കാത്തിരിപ്പ് സൗകര്യങ്ങൾ എന്നിവ നിലനിർത്തിക്കൊണ്ട് ക്രമീകരണങ്ങൾ ചെയ്യണമെന്നും ബിർള ഉദ്യോഗസ്ഥരോട് നിർദേശിച്ചു.

പ്രവർത്തനങ്ങൾ പുരോഗമിക്കുന്നതായി ലോക്സഭാ സെക്രട്ടറി ജനറൽ സ്നേഹലത ശ്രീവാസ്തവ, രാജ്യസഭ സെക്രട്ടറി ജനറൽ ദേശ് ദീപക് വർമ്മ എന്നിവർ പറഞ്ഞു. സെഷൻ സെപ്റ്റംബർ 14ന് ആരംഭിച്ച് ഒക്ടോബർ ഒന്നിന് സമാപിക്കും.