ന്യൂഡല്‍ഹി: താലിബാന്‍ തീവ്രവാദികള്‍ ബന്ദിയാക്കിയ സിഖ് അഭയാര്‍ഥിയെ രക്ഷപ്പെടുത്തി. അമ്പത്തഞ്ചുകാരനായ നിദാന്‍ സിങ് സച്ച്‌ദേവാണ് ഒരു മാസത്തിലധികമുള്ള താലിബാന്‍ തടവില്‍ നിന്നും രക്ഷപ്പെട്ടത്. അഫ്‌ഗാന്‍ സുരക്ഷാ സേനയാണ് ഇയാളെ രക്ഷപ്പെടുത്തിയത്. പാക് പ്രവിശ്യയായ അഫ്‌ഗാനിസ്ഥാനില്‍ നിന്നാണ് ഇയാളെ തീവ്രവാദികള്‍ തട്ടികൊണ്ട് പോയത്. ഗുരു നാനാക് സാഹിബ് ഗുരുദ്വാരയില്‍ സേവനം ചെയ്‌തുകൊണ്ടിരിക്കെയാണ് ഇയാളെ നാല് താലിബാന്‍ തീവ്രവാദികള്‍ തട്ടികൊണ്ട് പോവുന്നത്. തുടര്‍ന്ന് ഡല്‍ഹിയില്‍ താമസിക്കുന്ന ഇയാളുടെ ഭാര്യ പ്രധാനമന്ത്രിക്ക് നടപടിയെടുക്കണമെന്നാവശ്യപ്പെട്ട് കത്തെഴുതുകയായിരുന്നു. തുടര്‍ന്ന് അഫ്‌ഗാനിസ്ഥാന്‍ സര്‍ക്കാരുമായി ബന്ധപ്പെടുകയും അഫ്‌ഗാന്‍ സുരക്ഷാ സേന നിദാന്‍ സിങ് സച്ച്‌ദേവയെ രക്ഷപ്പെടുത്തുകയുമായിരുന്നു.
താലിബാന്‍ തീവ്രവാദികള്‍ ബന്ദിയാക്കിയ സിഖ് അഭയാര്‍ഥിയെ രക്ഷപ്പെടുത്തി