ശ്രീനഗര്‍: താഴ്‌വരയിലെ തണുപ്പ് ശക്‌തമാകുന്നതിന് മുന്‍പ് തന്‍റെ അമ്മയെ സുരക്ഷിതമായ സ്ഥാനത്തേക്ക് മാറ്റണമെന്ന ആവശ്യവുമായി കശ്‌മീരില്‍ കരുതല്‍ തടങ്കലിലുള്ള മുന്‍ മുഖ്യമന്ത്രി മെഹ്‌ബൂബ മുഫ്‌തിയുടെ മകള്‍. തന്‍റെ അമ്മയ്‌ക്ക് എന്തെങ്കിലും സംഭവിച്ചാല്‍ അതിന്‍റെ പൂര്‍ണ ഉത്തരവാദിത്തം കേന്ദ്ര സര്‍ക്കാരിനായിരിക്കുമെന്നും പിഡിപി പ്രസിഡന്‍റ് കൂടിയായ ഇല്‍ത്തിജ മുഫ്‌തി ശ്രീനഗര്‍ ഡെപ്യൂട്ടി കമ്മീഷണര്‍ക്ക് എഴുതിയ കത്തില്‍ പറയുന്നു.
അമ്മയുടെ ആരോഗ്യപ്രശ്‌നങ്ങളെക്കുറിച്ച് പല തവണ ഞാന്‍ അധിതരോട് സംസാരിച്ചിരുന്നുവെന്ന് മെഹ്‌ബൂബ മുഫ്‌തിയുടെ ട്വിറ്റര്‍ അകൗണ്ടില്‍ ഇല്‍ത്തിജ മുഫ്‌തി കുറിച്ചു. ഡെപ്യൂട്ടി കമ്മീഷണര്‍ക്ക എഴുതിയ കത്തിന്‍റെ ചിത്രവും ഇല്‍ത്തിജ ട്വീറ്റില്‍ ചേര്‍ത്തിട്ടുണ്ട്.