സ്‌പാ സെന്‍ററിൽ അനാശാസ്യം; ഏഴ് പെൺകുട്ടികളെ രക്ഷപ്പെടുത്തി

ഡൽഹി കമ്മീഷൻ ഫോർ വുമൺ (ഡിസിഡബ്ല്യു) ആണ് ലൈംഗിക ചൂഷണത്തിന്‍റെ ഈ കഥ പുറത്തുവിട്ടത്

ന്യൂഡൽഹി:സ്‌പാ സെന്‍റർ സെക്‌സ് റാക്കറ്റായി പ്രവർത്തിക്കുന്നു എന്ന കണ്ടെത്തലിൽ പൊലീസ് എഫ്‌.ഐ.ആർ രജിസ്റ്റർ ചെയ്‌തു. മധുവിഹാറിലെ സ്‌പാ സെന്‍ററിനെതിരെയാണ് കേസ്. ഡൽഹി കമ്മീഷൻ ഫോർ വുമൺ (ഡിസിഡബ്ല്യു) ആണ് ലൈംഗിക ചൂഷണത്തിന്‍റെ ഈ കഥ പുറത്തുവിട്ടത്. അനാശാസ്യ നിരോധന നിയമത്തിലെ സെക്ഷൻ 3 പ്രകാരം ഡിസിഡബ്ല്യുവിന്‍റെ പരാതിയിൽ കേസ് രജിസ്റ്റർ ചെയ്‌തതായും അന്വേഷണം ആരംഭിച്ചതായും മധുവിഹാർ പൊലീസ് അറിയിച്ചു. കഴിഞ്ഞ വ്യാഴാഴ്ച്ച ഡിസിഡബ്ല്യു മേധാവി സ്വാതി മാലിവാൾ നടത്തിയ മിന്നൽ പരിശോധനയിലാണ് സംഭവം പുറത്തായത്. ഏഴ് പെൺകുട്ടികളെ കേന്ദ്രത്തിൽ നിന്ന് രക്ഷപ്പെടുത്തിയതായി പൊലീസ് പറഞ്ഞു.