ന്യൂഡൽഹി: കേന്ദ്ര ആഭ്യന്തരമന്ത്രി അമിത് ഷായുടെ ഒരു രാഷ്‌ട്രം, ഒരു ഭാഷ പ്രസ്‌താവനയ്‌ക്കെതിരെ മുന്‍ കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി. നിരവധി ഭാഷകൾ ഉള്ളത് ഇന്ത്യയുടെ ബലഹീനതയല്ലെന്ന് രാഹുല്‍ ഗാന്ധി ട്വീറ്റ് ചെയ്‌തു. രാജ്യത്തെ 23 ഭാഷകള്‍ പേരെടുത്ത് പറഞ്ഞായിരുന്നു രാഹുലിന്‍റെ ട്വീറ്റ്.
കഴിഞ്ഞ ദിവസം ഹിന്ദി ദിനാഘോഷത്തോട് അനുബന്ധിച്ചാണ് ഹിന്ദിയെ മുന്‍ നിര്‍ത്തി, ഒരു രാജ്യം ഒരു ഭാഷ എന്ന പ്രസ്‌താവന അമിത് ഷാ നടത്തിയത്. ഇതിനെതിരെ രാജ്യവ്യാപകമായി പ്രതിഷേധം നടക്കുന്നതിനിടെയാണ് രാഹുലിന്‍റെ ട്വീറ്റ്.