വിഘടനവാദി നേതാവ് യാസിൻ മാലിക് അറസ്റ്റിൽ

പൊതു സുരക്ഷാ നിയമപ്രകാരം ജമ്മുകശ്മീരിലെ ഏത് വ്യക്തിയേയും ആറ് മാസക്കാലത്തോളം ജുഡീഷ്യൽ വിചാരണ കൂടാതെ തന്നെ തടവിൽ വെക്കാനാകും.

ജമ്മുകശ്മീരിലെ വിഘടനവാദി നേതാവ് യാസിൻ മാലികിനെ പൊതു സുരക്ഷാ നിയമം ചുമത്തി അറസ്റ്റ് ചെയ്തു. ഇത് പ്രകാരം വിചാരണ കൂടാതെ തന്നെ അദ്ദേഹത്തെ ആറ് മാസത്തോളം തടവിൽ പാർപ്പിക്കാനാകും.

ഇന്ന് രാവിലെയാണ് പൊതുസുരക്ഷാ നിയമം ചുമത്തിയതായും കശ്മീരിലെ കോട്ട് ബാൽവാൽ ജയിലിലേക്ക് മാറ്റുമെന്നുമുളള അറിയിപ്പ് മാലികിന് ലഭിച്ചത്. ജമ്മുകശ്മീരിലെ ലിബറേഷൻ ഫ്രന്‍റ് എന്ന സംഘടനയുടെ നേതാവാണ് യാസിൻ . ഫെബ്രുവരി 22 ന് അദ്ദേഹത്തെ ശ്രീനഗറിലെ കൊതിബാഗ് പൊലീസ് സിറ്റിയിൽ പ്രതിരോധ കസ്റ്റഡിയിൽ എടുത്തിരുന്നു.പൊതു സുരക്ഷാ നിയമപ്രകാരം ജമ്മുകശ്മീരിലെ ഏത് വ്യക്തിയേയും ആറ് മാസക്കാലത്തോളം ജുഡീഷ്യൽ വിചാരണ കൂടാതെ തന്നെ തടവിൽ വെക്കാനാകും.