ന്യൂഡല്‍ഹി: പുരിയിലും ഒഡിഷയിലെ വിവിധ സ്ഥലങ്ങളിലും ജൂണ്‍ 23ന് നടത്താനിരുന്ന രഥയാത്ര തടഞ്ഞു കൊണ്ടുള്ള സ്റ്റേ പുന:പരിശോധിക്കണമെന്നാവശ്യപ്പെട്ട് സമര്‍പ്പിച്ച ഹര്‍ജികള്‍ സുപ്രീംകോടതി നാളെ പരിഗണിക്കും. കൊവിഡ് ബാധിതരുടെ എണ്ണം വര്‍ധിക്കുന്ന പശ്ചാത്തലത്തിലാണ് രഥയാത്രക്ക് സ്റ്റേ നല്‍കിയത്.
സുപ്രീംകോടതി സിംഗിള്‍ ജഡ്ജ് ബെഞ്ച് നാളെ രാവിലെ 11ന് വാദം കേള്‍ക്കും. ജസ്റ്റിസ് എസ്.രവീന്ദ്ര ഭട്ടാണ് വാദം കേള്‍ക്കുക. ജൂണ്‍ 18ന് ചീഫ് ജസ്റ്റിസ് ശാരദ് അരവിന്ദ് ബോബ്ഡെ അധ്യക്ഷനായ ബെഞ്ചാണ് രഥയാത്ര സ്റ്റേ ചെയ്തത്. പകര്‍ച്ച വ്യാധികള്‍ പടരുന്ന സാഹചര്യത്തില്‍ ഒത്തുചേരലുകള്‍ അനുവദിക്കില്ലെന്ന് സുപ്രീംകോടതി സ്റ്റേ ഉത്തരവ് പുറപ്പെടുവിച്ചുകൊണ്ട് പറഞ്ഞു.