ജയ്‌പൂര്‍: രാജസ്ഥാനിലെ കോട്ടയിലെ ശിശുമരണങ്ങളില്‍ മുഖ്യമന്ത്രി അശോക് ഗെഹ്‌ലോട്ടിനെ തള്ളി ഉപമുഖ്യമന്ത്രിയും പാര്‍ട്ടി സംസ്ഥാന അധ്യക്ഷനുമായ സച്ചിന്‍ പൈലറ്റ്. 13 മാസം അധികാരത്തില്‍ ഇരുന്നിട്ട് മുന്‍ സര്‍ക്കാരിനെ കുറ്റപ്പെടുത്തുന്നതില്‍ അര്‍ഥമില്ല. ഇത്തരം വിഷയത്തില്‍ സഹാനുഭൂതി കാണിക്കണമെന്നും ഉത്തരവാദിത്തത്തോടെ സംസാരിക്കണമെന്നും സച്ചിന്‍ പൈലറ്റ് പറഞ്ഞു. കഴിഞ്ഞ സര്‍ക്കാരിനേക്കാള്‍ കുറവ് മരണമാണ് ഇത്തവണ ഉണ്ടായതെന്ന മുഖ്യമന്ത്രിയുടെ പ്രസ്താവന വിവാദമായിരുന്നു. കൂട്ടമരണം നടന്ന ആശുപത്രിയില്‍ സന്ദര്‍ശനം നടത്തിയ ശേഷമായിരുന്നു സച്ചിന്‍ പൈലറ്റിന്‍റെ പ്രതികരണം.
ശിശുമരണത്തില്‍ മുന്‍ സര്‍ക്കാരിനെ കുറ്റം പറഞ്ഞ് ഒഴിയാനാകില്ലെന്ന് സച്ചിന്‍ പൈലറ്റ്