ശ്രീനഗർ:ഭീകരസംഘടനയായഹിസ്ബുല്‍ മുജാഹിദീന്‍ കമാന്‍ഡർ റിയാസ് നായികു കൊല്ലപ്പെട്ടതിനെ തുടർന്ന് കശ്മീരിലെ പുൽവാമ ജില്ലയിൽ പലയിടങ്ങളിലായി കല്ലേറാക്രമണങ്ങൾ റിപ്പോർട്ട് ചെയ്തു. റിയാസ് നായികുവിന്‍റെ സ്വദേശമായ അവന്തിപോറ മേഖലയിലാണ് ഇന്ന് വെളുപ്പിന് മുതൽ യുവാക്കൾ കല്ലേറ് നടത്തിയത്.
റിയാസ് നായികുവിന്‍റെ വധം; പുൽവാമയിൽ കല്ലേറാക്രമണം - ജമ്മു കശ്‌മീർ
പുല്‍വാമയിലെ ബീഗ്‌പുരയില്‍ സുരക്ഷാ സേനയുമായി ഉണ്ടായ ഏറ്റുമുട്ടലിലാണ് റിയാസ് നായികും രണ്ട് അനുയായികളും കൊല്ലപ്പെട്ടത്.
റിയാസ് നായിക്
കഴിഞ്ഞ ദിവസം പുല്‍വാമയിലെ ബീഗ്‌പുരയില്‍ സുരക്ഷാ സേനയുമായി ഉണ്ടായ ഏറ്റുമുട്ടലിൽ റിയാസ് നായികും രണ്ട് അനുയായികളും കൊല്ലപ്പെട്ടിരുന്നു. ഇതേതുടർന്ന്, ജമ്മുകശ്‌മീരിലെ മൊബൈല്‍-ഇന്‍റര്‍നെറ്റ് സേവനങ്ങള്‍ നിര്‍ത്തിവച്ചിരിക്കുകയാണ്.
ലോക്ക് ഡൗണും നിരോധനാജ്ഞയും നടപ്പിലാക്കിയിട്ടും കശ്മീരിൽ അക്രമസംഭവങ്ങൾ വർധിക്കുകയാണ്. ആക്രമണസാധ്യത കൂടുതലുള്ള പ്രദേശങ്ങളിൽ കൂടുതൽ സുരക്ഷാ ഉദ്യോഗസ്ഥരെയും സൈന്യം വിന്യസിച്ചിട്ടുണ്ട്. അക്രമത്തിൽ 16 പേർക്ക് പരിക്കേറ്റതായും അധികൃതർ വ്യക്തമാക്കി.