പൊതുഗതാഗതം പുനരാരംഭിക്കും, ചണ്ഡിഗഢിൽ കൂടുതൽ കടകൾ തുറക്കാൻ അനുമതി

രാവിലെ 10 മുതൽ വൈകുന്നേരം 5:30 വരെ 50 ശതമാനം ഉദ്യോഗസ്ഥരുമായി ഓഫീസുകൾ പ്രവർത്തിക്കുമെന്ന് പുതിയ ഉത്തരവിൽ യൂണിയൻ ടെറിട്ടറി അഡ്മിനിസ്ട്രേഷൻ അറിയിച്ചു. റോഡുകളിലെ തിരക്ക് ഒഴിവാക്കാൻ കേന്ദ്ര സർക്കാർ ജീവനക്കാരുടെയും അയൽ സംസ്ഥാന ഓഫീസുകളുടെയും സമയം വ്യത്യസ്തമായിരിക്കും.

ചണ്ഡിഗഢ്: ലോക്ക് ഡൗണിന്‍റെ നാലാം ഘട്ടത്തിൽ കേന്ദ്രഭരണ പ്രദേശത്ത് പൊതുഗതാഗത സേവനങ്ങൾ പുനരാരംഭിക്കുമെന്ന് ഭരണകൂടം. സെക്ടർ 17 മാർക്കറ്റ് ഉൾപ്പെടെ കൂടുതൽ കടകൾ തുറക്കാൻ അനുവദിച്ചു. എന്നിരുന്നാലും, ജനങ്ങളുടെ ചലനം കർശനമായി നിരോധിച്ചിട്ടുണ്ട്. രാവിലെ 10 മുതൽ വൈകുന്നേരം 5:30 വരെ 50 ശതമാനം ഉദ്യോഗസ്ഥരുമായി ഓഫീസുകൾ പ്രവർത്തിക്കുമെന്ന് പുതിയ ഉത്തരവിൽ യൂണിയൻ ടെറിട്ടറി അഡ്മിനിസ്ട്രേഷൻ അറിയിച്ചു. റോഡുകളിലെ തിരക്ക് ഒഴിവാക്കാൻ കേന്ദ്ര സർക്കാർ ജീവനക്കാരുടെയും അയൽ സംസ്ഥാന ഓഫീസുകളുടെയും സമയം വ്യത്യസ്തമായിരിക്കും. സ്വകാര്യ ഓഫീസുകൾ അവരുടെ 50 ശതമാനം സ്റ്റാഫുകളുമായി പ്രവർത്തിക്കാനും മറ്റ് ജീവനക്കാരെ വീട്ടിൽ നിന്ന് ജോലി ചെയ്യാൻ പ്രോത്സാഹിപ്പിക്കാനും ഭരണകൂടം ആഭ്യർഥിച്ചു.

പൊതു ഇടപാട് ഓഫീസുകളായ സമ്പർക്ക് കേന്ദ്രങ്ങൾ, സബ് രജിസ്ട്രാർ ഓഫീസ് തുടങ്ങിയവ തുറന്നിരിക്കും. ചണ്ഡിഗഡ് ഉപദേഷ്ടാവ് മനോജ് പാരിഡ പുറപ്പെടുവിച്ച ഉത്തരവ് പ്രകാരം എല്ലാ എസി ഇതര ബസുകളും ത്രിരാഷ്ട്ര നഗരങ്ങളിൽ അയൽ സംസ്ഥാനങ്ങളുടെ സമ്മതത്തോടെ സർവീസ് നടത്തും. മറ്റ് സംസ്ഥാനങ്ങളിൽ നിന്ന് ആവശ്യമായ സമ്മതം വാങ്ങിയ ശേഷം അന്തർ സംസ്ഥാന ബസുകൾ പുനരാരംഭിക്കുമെന്ന് റിപ്പോർട്ടിൽ പറയുന്നു. ടാക്‌സികൾക്ക് പരമാവധി മൂന്ന് പേരുമായി പ്രവർത്തിക്കാൻ അനുമതിയുണ്ട്. ഓട്ടോ റിക്ഷകൾക്ക് ഒരു യാത്രക്കാരനോടൊപ്പം ഓടിക്കാൻ അനുവാദമുണ്ട്. നേരത്തെ തുറക്കാൻ അനുവദിച്ചിരുന്ന ആഭ്യന്തര മേഖലയിലെ എല്ലാ കടകളും പ്രതിവാര അവധി ഒഴികെയുള്ള എല്ലാ ദിവസങ്ങളിലും രാവിലെ 10 മുതൽ വൈകുന്നേരം ആറ് വരെ തുറന്നിരിക്കും.

ബേക്കറികൾ, റെസ്റ്റോറന്‍റുകൾ എന്നിവ തുറക്കാൻ അനുമതിയുണ്ടെങ്കിലും കഴിക്കാന്‍ സൗകര്യമില്ല. ഹോം ഡെലിവറി മാത്രമേ അനുവദിക്കൂ. സലൂണുകൾ അടച്ചിരിക്കും. 65 വയസ്സിന് മുകളിലുള്ളവർ, രോഗാവസ്ഥയുള്ളവർ, ഗർഭിണികൾ, 10 വയസ്സിന് താഴെയുള്ള കുട്ടികൾ എന്നിവർ വീട്ടിൽ തന്നെ തുടരാൻ നിർദേശിച്ചിട്ടുണ്ട്. ആകെ 50 പേർക്ക് വിവാഹ ചടങ്ങുകളിൽ പങ്കെടുക്കാനും 20 പേർക്ക് ശവസംസ്കാര ചടങ്ങുകളിൽ പങ്കെടുക്കാനും അനുമതി നൽകുന്നതായി ഉത്തരവിൽ പറയുന്നു.