രാഹുൽ ഗാന്ധി വിദേശത്തേക്ക് പോയതായി കോൺഗ്രസ്

കുറച്ച് ദിവസം രാഹുൽ ഗാന്ധി വിദേശത്ത് തുടരുമെന്ന് കോൺഗ്രസ് വക്താവ് രൺദീപ് സുർജേവാല പറഞ്ഞു

ന്യൂഡൽഹി: കോൺഗ്രസ് നേതാവ് രാഹുൽ ഗാന്ധി വിദേശത്തേക്ക് പോയെന്ന് കോൺഗ്രസ്. വ്യക്തിപരമായ കാരണങ്ങളെ തുടർന്നാണ് വിദേശയാത്രയെന്നും കുറച്ചു ദിവസം അദ്ദേഹം വിദേശത്ത് തുടരുമെന്നും കോൺഗ്രസ് വക്താവ് രൺദീപ് സുർജേവാല പറഞ്ഞു. എന്നാൽ എവിടേക്കാണ് രാഹുൽ ഗാന്ധി പോയതെന്ന് രൺദീപ് സുർജേവാല വ്യക്തമാക്കിയില്ല.

ഖത്തർ എയർലൈൻസ് വിമാനത്തിൽ ഇറ്റലിയിലെ മിലാൻ സിറ്റിയിലേക്കാണ് രാഹുൽ ഗാന്ധി പോയതെന്നാണ് റിപ്പോർട്ടുകൾ. സോണിയ ഗാന്ധിയുടെ അമ്മയെ സന്ദർശിക്കാൻ മുമ്പും രാഹുൽ ഗാന്ധി ഇറ്റലിയിലേക്ക് പോയിട്ടുണ്ട്. കോൺഗ്രസിന്‍റെ 136-ാമത് ഫൗണ്ടേഷൻ ദിനാഘോഷത്തിന് ഒരു ദിനം മുമ്പാണ് രാഹുലിന്‍റെ വിദേശയാത്ര.