ഓഗസ്റ്റിൽ ഇന്ത്യയിലെ കൊവിഡ് ബാധിതർ 20 ലക്ഷം കടക്കുമെന്ന് രാഹുൽ ഗാന്ധി

കൊവിഡ് -19 വ്യാപനം ഇതേ വേഗതയിൽ തുടരുകയാണെങ്കിൽ ഓഗസ്റ്റ് 10 ഓടെ രാജ്യത്ത് 20,00,000 ൽ അധികം ആളുകൾ രോഗബാധിതരാകും. ഇത് തടയാൻ സർക്കാർ ആസൂത്രിതമായ നടപടികൾ കൈക്കൊള്ളണമെന്ന് അദ്ദേഹം ട്വീറ്റ് ചെയ്തു.

ന്യൂഡൽഹി: ഇന്ത്യയിലെ കൊവിഡ് -19 എണ്ണം 10,00,000 കടന്നതായും ഓഗസ്റ്റ് 10 ഓടെ രാജ്യത്ത് 20,00,000 ത്തിലധികം ആളുകൾക്ക് രോഗം ബാധിച്ചേക്കാമെന്നും മുന്നറിയിപ്പ് നൽകിയതായി കോൺഗ്രസ് നേതാവ് രാഹുൽ ഗാന്ധി. കൊവിഡ് വ്യാപനം നിയന്ത്രിക്കാൻ ശക്തമായ നടപടികൾ സ്വീകരിക്കണമെന്ന് അദ്ദേഹം സർക്കാരിനോട് ആവശ്യപ്പെട്ടു.

"കൊവിഡ് -19 ഇതേ വേഗതയിൽ തുടരുകയാണെങ്കിൽ ഓഗസ്റ്റ് 10 ഓടെ രാജ്യത്ത് 20,00,000 ൽ അധികം ആളുകൾ രോഗബാധിതരാകും. ഇത് തടയാൻ സർക്കാർ ആസൂത്രിതമായ നടപടികൾ കൈക്കൊള്ളണം"-അദ്ദേഹം ട്വീറ്റ് ചെയ്തു.

32,695 കേസുകളും 606 മരണങ്ങളും റിപ്പോർട്ട് ചെയ്തതോടെ ഇന്ത്യയിലെ കൊവിഡ് ബാധിതരുടെ എണ്ണം വ്യാഴാഴ്ച 9,68,876 ൽ എത്തിയതായി കേന്ദ്ര ആരോഗ്യ കുടുംബക്ഷേമ മന്ത്രാലയം അറിയിച്ചിരുന്നു. മൊത്തം കേസുകളിൽ 3,31,146 സജീവമാണ്. 6,12,815 പേരെ ഡിസ്ചാർജ് ചെയ്തു., 24,915 മരണങ്ങളും രാജ്യത്ത് റിപ്പോർട്ട് ചെയ്തു.